በሌሎች ዓለማት ስላሉ ፍጥረቶች
ጠ/ሚ ዐቢይ፣ በ አይሁድ በ ክርስትና በ እስልምና ቲኦሎጂ፣ በ ኦሮሞ አንትሮፖሎጂ ስለ ሰባት ሰማያት እና በዚያ ስለሚገኙ ሌሎች ሰው መሰል ፍጥረቶች ከሰጡት ቃለ ምልልስ ቃል በቃል የተቀነጨበ። ". . . ከኃይማኖት አንፃር ደግሞ ያየህ እንደ ሆነ በተለይ ሦስቱ አብርሃሚክ ኃይማኖቶች፣ አይሁድ እስልምናና ክርስትና ሦስቱም በዚህ ጉዳይ ይግባባሉ። ለምሳሌ አይሁድን ብትወስድ፣ በዕዝራ መጽሐፍ እንደ ሪፈረንስ ብንወስደው፣ ሰባቱ ሰማያት የማይታወቁ ሰማያት መኖራቸውን አይሁድ በእርግጠኝነት ያስተምራሉ፣ ያምናሉ በዚህ ሃሳብ። በእስልምናም ብዙ ስኮላርስ በዚህ ረገድ ይናገራሉ። በተለይ ዶ/ር ዛኪር በጣም ታዋቂ ሙስሊም ስኮላር ናቸው። እሳቸውን የቊርዐን አያን ሪፈር አድርገው፣ ሰባት ሰማያት እንዳሉና በዚያ ውስጥ ፍጥረታት እንዳለ በእርግጠኝነት ይናገራሉ። በክርስትናም ስትወስድ፣ መጽሐፈ ኢዮብን፣ ኢዮብ 19፡15ን እንደ ምሳሌ ወስደው፣ ሠራተኞቼ ባርያዎቼ እንደ ባርያ ቆጠሩኝ የሚለው በተለይ እንግሊዝኛው አልያን ስለሚል፣ በእርግጠኝነት አለ ይላሉ። የኃይማኖት አስተምህሮዎች ይህን ይመስላሉ። ማስታወሻ፦ በመጽሐፈ ዕዝራ ምእራፍ 10 “እንግዳ” የሚለው ከእስራኤል ሕዝብ ውጭ ስለ ተጋቡአቸው ሰዎች ነው። ኢዮብ 19፡15 “ቤተ ሰቦቼና ሴቶች ባሪያዎቼ እንደ መጻተኛ ቈጠሩኝ፤ በዓይናቸውም እንደ እንግዳ ሆንሁ” ነው የሚለው። ሚንስትሩ “አልያን” (alien ኤልየን) ያሉት በእንግሊዝኛው “ኪንግ ጄምስ” መጽሐፍ ቅዱስ ቅጂ ላይ የተጠቀመ ቃል ነው። ትርጉሙ፦ በሌላ ዓለማት ስላሉ ፍጥረታት ሳይሆን፣ ኢዮብ፦ በመከራዬ ሰዓት የቅርቤ ናቸው ያልኳቸው የቤቴ ሰዎች እንደ ባዳ ወይም እንደ ባይተዋር ቆጠሩኝ ማለቱ ነው። ወደ ታሪክ ታሪክ መጽሐፍት ደግሞ ብንወስድ፣ ኢትዮጵያ ውስጥ ያሉ ጥንታዊ ...
