THE ETHIOPIAN CHURCH JOURNAL

Shared with Your frien በእንግሊዝኛ ወይስ በአማርኛ Ethiopian Church Journal ኖቬምበር 25/2023 ፌስቡክ ላይ ከለጠፈው ዳግመኛ የታተመ። በእንግሊዝኛ ወይስ በአማርኛ? ዶ/ር ቼፕኪሩኢ ባሲሊዮ የተሰኘ (ኬንያዊ?) የጠ/ሚ ዐቢይን እንግሊዝኛ ጥራት አናንቆ በትዊተር ገጹ ላይ ከታች እንደ ተመለከተው ከሁለት ቀን በፊት ለጥፏል። አንዳንድ ተቺዎች እንደሚያጋንኑት ይኸ እንደ ጉድ ሊታይ አይገባም፤ መፍትሔው ቀላል ነው። ዐቢይ በአማርኛ አሳባቸውን ይግለጹ፤ ብቃት ያላቸው አስተርጓሚዎች አብረዋቸው ይጓዙ (ዓለም አቀፍ ስብሰባዎች በቂ አስተርጓሚ አላቸው) ። በእንግሊዝኛ አጥርቶ መናገር ጠቃሚ ቢሆንም፣ አለመናገር ብዙ ለውጥ አያመጣም። ቋንቋውን እየተረዱም በቋንቋቸው እንጂ የማይናገሩ የአገር መሪዎች ነበሩ፣ ዛሬም አሉ፦ የራሽያው ፑቲን፣ የቻይናው ሺ፣ የዐረብ አገር መሪዎች፣ የፈረንሳዩ ማክሮ፣ የደቡብ አሜሪካ መሪዎች፣ ወዘተ። አፄ ኃይለሥላሴ ፈረንሳይኛ አጥርተው ይሰሙ ይናገሩ ነበር፤ የአገራቸውን ክብር ለማስጠበቅ ግን አስተርጓሚ ይጠቀሙ ነበር። መንግሥቱ ኃይለማርያም እንግሊዝኛ ይሰሙ ይናገሩ ነበር፤ ብዙ ቋንቋዎችን የሚያውቅ አስተርጓሚ አብሯቸው ይጓዝ ነበር። መለስ ዜናዊ የእንግሊዝኛቸው ጥራት እና የምዕራቡ ባህል እውቀታቸው እንከን አይወጣለትም ብለን እንለፈው። በየትኛውም ቋንቋ ይነገር፣ ትኲረቱ አቋምን አሳማኝ፣ ለዛና ዘይቤ በተላበሰ መንገድ ለአድማጭ ማስተላለፍ መቻል ነው። አድማጭ ግራ ከገባው ለተናጋሪው (ተናጋሪው ለሚወክለው አቋምና አገር) አክብሮት አይኖረውም። ዐቢይ ከዓለም ባንክ ፕሬዚደንት ባንጋ ጋር እና በዚህ ዓመት አጋማሽ ላይ በተካሄደው ፓሪስ ኮንፈረንስ ላይ ችግር ገጥሟቸው እንደ ነበረ እናስታውሳለን። በቋንቋ አለመግባባት ጠብ ሊያስከትል...

Comrades-in-arms Isaias and Meles bartering Assab port In the early 1990s, Isaias and Meles suddenly found themselves owners of Ethiopia—including its geographic space, its resources, and its people. How did this come about? In their own narrative, it came about because they defeated the mighty Derg. That narrative could only be partly true. The real story is that the US and Britain wanted them in power to advance their own regional agenda.  Let's not forget that this was two years after the Cold War and Soviet collapse. Victory over Communism had so inebriated the Capitalist West it looked forward to once again reshaping the world in its own "democratic" image.  Meles Zenawi and Isaias Afwerki, favored in the eyes of the West (and good at deception), were acclaimed as "new breed" democrats!  The other aspect of their success was that a vacuum had to be filled following Mengistu slipping away to Zimbabwe--itself engineered by the West. Mengistu's government ...

ጠ/ሚ ዐቢይ፣ በ አይሁድ በ ክርስትና በ እስልምና ቲኦሎጂ፣ በ ኦሮሞ  አንትሮፖሎጂ ስለ ሰባት ሰማያት እና በዚያ ስለሚገኙ ሌሎች ሰው መሰል ፍጥረቶች ከሰጡት ቃለ ምልልስ ቃል በቃል የተቀነጨበ። ". . . ከኃይማኖት አንፃር ደግሞ ያየህ እንደ ሆነ በተለይ ሦስቱ አብርሃሚክ (ከአብርሃም የወጡ ለማለት ነው) ኃይማኖቶች፣ አይሁድ እስልምናና ክርስትና ሦስቱም በዚህ ጉዳይ ይግባባሉ። ለምሳሌ አይሁድን ብትወስድ፣ በዕዝራ መጽሐፍ እንደ ሪፈረንስ (በእንግሊዝኛ ማጣቀሻ ለማለት ነው) ብንወስደው፣ ሰባቱ ሰማያት የማይታወቁ ሰማያት መኖራቸውን አይሁድ በእርግጠኝነት ያስተምራሉ፣ ያምናሉ በዚህ ሃሳብ። በእስልምናም ብዙ ስኮላርስ (በእንግሊዝኛ ምሑራን ለማለት ነው) በዚህ ረገድ ይናገራሉ። በተለይ ዶ/ር ዛኪር በጣም ታዋቂ ሙስሊም ስኮላር (ምሑር) ናቸው። እሳቸውን የቊርዐን አያን ሪፈር (በእንግሊዝኛ ጠቅሰው ለማለት ነው) አድርገው፣ ሰባት ሰማያት እንዳሉና በዚያ ውስጥ ፍጥረታት እንዳለ በእርግጠኝነት ይናገራሉ። በክርስትናም ስትወስድ፣ መጽሐፈ ኢዮብን፣ ኢዮብ 19፡15ን እንደ ምሳሌ ወስደው፣ ሠራተኞቼ ባርያዎቼ እንደ ባርያ ቆጠሩኝ የሚለው በተለይ እንግሊዝኛው "አልያን" ስለሚል፣ በእርግጠኝነት አለ ይላሉ። የኃይማኖት አስተምህሮዎች ይህን ይመስላሉ። ማስታወሻ ፦ በመጽሐፈ ዕዝራ ምእራፍ 10 “እንግዳ” የሚለው ከእስራኤል ሕዝብ ውጭ ስለ ተጋቡአቸው ሰዎች ነው። ኢዮብ 19፡15 “ቤተ ሰቦቼና ሴቶች ባሪያዎቼ እንደ መጻተኛ ቈጠሩኝ፤ በዓይናቸውም እንደ እንግዳ ሆንሁ” ነው የሚለው። ሚንስትሩ “አልያን” (alien ኤልየን) ያሉት በእንግሊዝኛው “ኪንግ ጄምስ” መጽሐፍ ቅዱስ ቅጂ ላይ የተጠቀመ ቃል ነው። ትርጉሙ፦ በሌላ ዓለማት ስላሉ ፍጥረታት ሳይሆን፣ ኢዮብ፦ በመከራዬ ...

በአሜሪካ ፖለቲካ ምርጫ ሰሞን፣ "ወንጌልን ሚዛናቸው ያደረጉ" ተብለው የሚታወቁ ክፍሎች አሉ። "ኤቫንጄሊካልስ" ይሏቸዋል። ሚዛኑ ምንድነው? ሚዛኑ በዋነኛነት፦ ትዳር ከአንድ ወንድ ከአንድ ሴት ጋር ነው፤ ከትዳር ውጭ የማገጠ፤ ግብረ ሰዶማዊነትን ወይም ግብረ ሰዶምን እና ውርጃን የደገፈ ለአገር መሪነት አይበቃም የሚል ነው። ወንጀል ሲገኝበትስ? ሕፃናትን ከእናት ጉያ ነጥቆ እንደ እንሥሣ በሽቦ አጥር ውስጥ ሲያስርስ? ወንጀል ሳይገኝበት ፣ ስደተኛ ስለ ሆነ ብቻ፣ ነጭ ስላልሆነ ብቻ፣ በእግዚአብሔር አምሳል የተፈጠረን ሲያንገላታስ? ወንጌል ስለ ስደተኛው ምን ብሏል? ዝም። ይኸ አቋም እርግጥ "ኤቫንጄሊካልስን" በሞላ አይመለከትም። ከወቅቱ ፖለቲካ ጋር እጅና ጓንት ላለመሆን የወሰኑና ዋጋ የከፈሉም አሉባቸውና። ከኤቫንጄሊካልስ ቀንደኛው የቢሊ ግራሃም ልጅ ፍራንክሊን ነው።  ፍራንክሊንን አንድ ጋዜጠኛ ቀርቦ ጠየቀው፦ ፕሬዚደንት ክልንተን ከአንዲት ልጁ ከምትሆን ሴት ጋር የማገጠውን መጽሐፍ ቅዱስ እየጠቀስክ አጥብቀህ በአደባባይ ስትቃወም አልነበርክ? ታዲያ፣ ሦስቴ ፈትቱ፣ ከስንት ሴት ጋር ማግጦ፣ ከፕሬዚደንትነት ውድድር እንዳያሰናክሉት፣ በገንዘብ ብዛትና በጠበቃ ዝም ያሰኛቸው ትረምፕ ሲሆን ምነው ችላ አልክ?  የፍራንክሊን ምላሽ፦ የክልንተን ዝሙት ሥልጣን ላይ እያ ለ ነው፤ የትረምፕ፦ ሥልጣን ከመያዙ አስቀድሞ ስለ ሆነ፣ ሥራውን እንዳያከናውን አያግደውም። ይታያችሁ።  ትረምፕ ኢየሱስን ተመስሎ ታማሚ ሲያክም በማኅበራዊ ሚድያ ታየ። ፍራንክሊን፦ ትረምፕ ሆን ብሎ ይህን አያደርግም፤ ለምን በየሰበቡ ለመውቀስ ታነፈንፋላችሁ?  ፍራንክሊን፦ ትረምፕ በወንጌል አምኖአል፤ ነፍሱም ድናለች ይላል። ጋዜጠኛ፣ ትረምፕን፦ ኃጢአትህን ተናዝዘህ ከእ...