ዱቄቱን አምጪው
የዘመናችን ወንጌል አማኝ፦ ቀጥፎ ዋሽቶ የተመኘውን ሲያገኝ እግዚአብሔር ጸሎቴን መለሰልኝ ይላል። እግዚአብሔር ያበለጽጋል ይላል፤ የሚበለጽገው እርሱ ብቻ ነው፤ ወይም ከእርሱ ጋ የተጠጋጉ። የስድሳ ስድስት ሶሻሊስት አብዮተኛ፣ አብዮቱን ወደ ፊት ለማራመድ ሺህ ሰው መሞት ካለበት ይሙት ይላል። ፀረ አብዮተኛ ተወገደ እንጂ ሞተ አይልም። አብዮት ግቡን ይመታል እያለ ያግባባል። ዓላማው ምንድነው? ባጭሩ፣ ሥልጣን ነው። ለጥቂቶች ደግሞ የተመቻቸ ኑሮ። የትም ፍጪው፣ ዱቄቱን አምጭው የሶሻሊስቶች ብቻ መመሪያ አይደለም። የአገራችንም የአሜሪካም ወንጌል አማኞች መመሪያ ነው። ውርጃን በህግ ማስቆም፤ ነጭ ያልሆነን ጥገኝነት መንሳት፤ እስራኤል በፍልስጤማውያን ላይ ለምታካሄደው ያልተመጣጠነ ኃይል ድጋፍ መስጠት፤ ተሰድደው በመጡት አብዛኞች ላይ ምንም ወንጀል ሳይፈጽሙ ትልቅ በደል መፈጸም ሳያስከፋቸው፣ ስደተኞቹ ዜጋም እንኳ ቢሆኑ ወደማያውቁት አገር በሰንሰለት ተጠፍረው ሲሸኙ ህጉ በተግባር እየታየ ነው ይላሉ። የሚገርመው፣ ውርጃ ጨመረ እንጂ አልቀነሰም። ጋብቻ ተባብሶ ተዘባርቋል። የፈቱ ብዛት፤ ወንጌል አማኝ ነን ብለው በሥልጣን ላይ ከተቀመጡት ስንቶች ናቸው ከሁለቴም ሦስቴ ፈትተው ያገቡ? የፓስተሮችን መፋነን ካነሳን ጊዜም አይበቃንም። ህግ ብቻው የሰውን አስተሳሰብ መለወጥ እንደማይችል ተዘንግቷቸዋል። የሰውን ልብ የሚለውጥ የክርስቶስ ወንጌል መሆኑ ተዘንግቷቸዋል! የአሜሪካ ወንጌላዉያን (እነ ፍራንክሊን ግራሃም) በዘር ብሔረተኛ ኃይማኖት ስም ሕዝበ ክርስቲያኑ ትረምፕን እንዲመርጥ ሲያግባቡ የነበረው ዘመቻቸው በ ዴሞክራቶች አስደንጋጭ ማዕበላዊ ድል ተኮላሽቷል። የሪፐብሊካንስ መሸነፍ ዋነኛ ምክንያቱ፣ የባለሥልጣኖች የሕዝብ ሃብት ዘረፋ ነው፦ ትረምፕ ሥ...
